وصية الشاعر عبدالله عتيق القصيّري

السلام عليكم ورحمة الله وبركاته ..

الشاعر الكبير عبدالله عتيق القصيّري المزيني من شعرائنا الأفذاذ
وقد تميز بقوة شعره وجزالته منذ الصغر وله من القصائد مايشدك
لمتابعتها وقرائتها أكثر من مره ..

في قصيدته الوصيه معاني وحكم أترككم مع الابداع ..

الورق فوق الدوح في نـوح نعّـاي =هاض الضماير في لحونـ ٍ سجعهـا

أسمع هديل الورق واصغيله اصغـاي=ألحـان ماهـي با للحـون ابتدعهـا

لين اقتحم بيـن الصناديـق معنـاي=وديـان ضـاق بسيلهـا متسعـهـا

ابـا اتسلـى ويـن انـا والتسـلاي=أهل الولع ما تنتهـي عـن ولعهـا

ياصار وسط السوق بايـع وشـرّاي=تفتـح صناديقـ ٍ ثمينـه اسلعـهـا

ويالاحمق الملقوف عن ظولهم جاي=عمك بلش با الغامـه اللـي زرعهـا

وورود ورد ٍ عيهلـن تـروي ارواي=البوش كله لـو ورد مـا يهزعهـا

من عام الاول مصرين جمها اصراي=سحم الضواري لو تذوقـه صرعهـا

وعما طرالي ماسكـ ٍ مـاي بلـزاي=النـاس خـرّب طبعهـا مجتمعهـا

وترى البذي دايم على الناس خطـاي=هرجه عوَج وان جات عوجن بلعهـا

يشوف بلع العوج في نفسـه اقـداي=ويترك مجـال الدافـع اللـي دفعهـا

وعندي وصيه من نـوادر وصايـاي=إن ما غدت في حقـك النـاس دعهـا

وان جت من الادنين يازين الاقفـاي=وفجوج نجد اوساع يارحـت معهـا

وانشد رجال العرف يعطونك الـراي=وخل الضعوف الـي قليـل ٍ سنعهـا

وياللـي بنفسـك دايـم الـدوم زرّاي=كم قاصـر ٍ نفسـه كثيـر ٍ بشعهـا

واليا مشوا ركضه وراهـم تحوبـاي=اطروق ربعـه تتعبـه مـا قطعهـا

وادعوا على اللي بالمخاليـق حكـاي=يجيب وينقـل كـل هرجـه سمعهـا

نمرود متمرد علـى النـاس جنـاي=الهرجه اللي مـا سمـع يصطنعهـا

ادعوا عليه وياعسى يقبـل ادعـاي=عسـاه لعلـه مـا يعالـج وجعهـا

والصدق لو هو ميزة ٍ مـن مزايـاي=غيري رجـال ٍ صدقهـا مـا نفعهـا

وكان (ن) زماني حداني على اقصاي=قبلـي صناديـد ٍ حداهـا وسبعهـا

أساير الدنيـا علـى غيـر ممشـاي=وكل يوم ارقعهـا وتفجـج ارقعهـا

وعن طردها لو نكتفـي بالتمضـاي=ونقنع انفوسن من طمعهـا جشعهـا

وبكبود اهلها مدمين شرّهـا ادمـاي=والسويد رضعت ماعرفوا من رضعها

اعوذ بالـلي كـون الكـون مـولاي =اللي بسـط سبعـن وسبعـن رفعهـا

السحت يفني مال لو ماله احصـاي=والبركـه كـان (ن) ربـك نزعهـا

وترى المعاصي تنهي اصحابها انهاي=النفـس لاطاعـت هواهـا خدعهـا

وابليس في رغباتها يغـوي اغـواي=واجد رجال مـن الرجولـه خلعهـا

اما دحرت ابليس يسويبـك اسـواي=ولك طيحتن تفضحك محـدن وقعهـا

وبالك تطيع النفس عصيانها اجـداي=الا ليا صـدت عـن النـاس طعهـا

البيت الأخير عن مئات القصائد ..

صح السان شاعرنا الكبير عبدالله عتيق القصيّري وأطال الله بعمره
الحقيقه اننا نتعلم من مثل هؤلاء الشعراء الكبار أصحاب الحكم
والأمثال ولنا مع قصائده وقفات بإذن الله ..

صح لسان الشاعر
والناقل

صح لسانك يابو عيد ولسان الشاعر
ولاهنت على النقل المميز

دمت بود ....

.
.

... قصيدة راااائعة و وصية مليئة بالحكم ...

... صح لسان شاعرها عبدالله عتيق القصيري ...

... وناقلها أخي الغالي بدر الهبيري ...

... ودمتم في رعاية الله وحفظه ...

.
.

الشاعر عبدالله بن عتيق ..

رجل مختلف ..

وشاعر مختلف ..

بسيط إلى درجة الحب ..

وقوي إلى درجة الشاعرية ..

عندما تجلس معه تعرف أنه شاعر حقيقي بمعنى الكلمة ..

كم اشتقت للقائه ..

أسأل الله أن يديم عليه الصحة والعافية ..

السلام عليكم
صراة قصيدة أكثر من رائعة
صح لسان شاعرنا الغالى عبدالله عتيق
وص لسانك يأبو عيد ياغالى

صح السان الشاعر القدير عبدالله بن عتيق وبيض الله وجه على هذه النصيحة

وشكرآ لك على هذا النقل الرايع والمميز