ياموتري شم ذعذاع الهواء الصافي = مع نجد وابعد عن الديره وساكنها
ماني على طيحتي بالدار متشافي = الكلمه اللي عقب جاء وقتها اعلنها
شفي مادام اللسان يترجم الخافي= نجد عسى الوسم في نبته يزينها
ليا امسيت في صحصح يذرابه السافي = اخير من ضجة الاسواق وفتنها
مادام انا حي ماقفابي القافي = نجد سقاها المطر مالي عزاء عنها
من بد الاوطان مرباعي ومصيافي = بفجوجها أبني طواريقي والحنها
في روضة لو مثيت بقاعها حافي = كني على انعم زلول الترك والينها
عطورها من البختري والنفل كافي = وعقودها اطيب زهور العشب واحسنها
وان هب ذعذاعها تستقبل الافي = في نفحة كل همه ينجلي منها
يسلابها اللي بوقته شاف ماعافي= دنيا الفنا ضيقوا باله زباينها
له غاية ماتوالف كل ميلافي = ماكل حي بأحسيسها يثمنها
والناس بالطبع والمعدن والاوصافي = رب خلقها فرقها يوم كونها
والفرق بالعرف والتقوى ولانصافي = تلك الخصائص تجلا في مواطنها
تمت وصلوا على مبعوث الاشرافي= اشرف نبي فتح مكه وحصنها

قال المزيني وابتدى نضـم الاشعـار.....ابيات شعـر مـن ضميـره فتلهـا
من هاجسا" يختـار لولـو ومحـار..... وصم المعانـي بالقوافـي فصلهـا.
الحق حق ولا يجـي دونـه ستـار.....وترى الجمايل ساسها عنـد أهلهـا.
والخير الوافـي يجـازى بالأخيـار.....علما" علـى القمـة يحـل ونزلهـا.
لكن وقـت اليـوم ماهـوب ينـدار.....جـاب البـلاوي كلهـا وإحتملهـا.
وقتا" يخلـي كامـل العقـل يحتـار.....وقتـا" يقلـط جلهـا مـع هزلهـا.
ياذيب انا بنشدك وش صار وش صار.....النـاس فيهـا علـة" مــن عللها.
تمشي وراء التاجر على غير مقـدار.....وليا هـرج لـو هرجتـه ماعدلهـا.
تهـرج وتنقـل بالمجالـس وتنـدار.....ولحدا" يذمـه مـن علومـا" نقلهـا.
والخوه اللـي مالهـا سـاس تنهـار.....صلـب علـى أبوهـا ودور بدلهـا.
مالك وراها يابيض الوجـه معبـار.....من لايعـز الـراس نفسـه خذلهـا.
عليك باللي رفقتـه تجـل الأمـرار.....درب النذالـه والـردى مادهلـهـا.
طيب ونقاء وبالوقت وافـي ولابـار.....وليـا نخيتـه عـزوتـه ماقتلـهـا.
يفز فزة عـز ياطـا علـى الحـار.....ماهو كمـا اللـي لانخيتـه جهلهـا.
وقت السعه تلقى له اعلـوم وأخبـار.....وعلوم ماتجـزى ولا أحـد" قبلهـا.
وتلقى له لسانـا" تقـل حـد منشـار.....وقـت الشدايـد مايعـدل ميلـهـا.
نقـال للنمـه مـن الجـار للجـار.....ويشفق على الهزله ويقفـى هملهـا.
وأن كان تبغى سلوتي يابن الأحـرار.....اليا شتبك عشب الوعر مع سهلهـا.
وشبيت ضوي وإعتلى واهـج النـار.....وسويـت فنجـالا" يــداوى عللها.
أبروضا" خضر مابين ربلـه ونـوار.....وتلقى الخزامى والنفل فـي قذلهـا.
ولذعذع الغربـي يميلـن الأزهـار.....ماسومـه وسيـل العقـارب شملهـا
وروحت وضحا" تحير إبها الأفكـار.....من طبعهـا ومـن زينهـا مانفلهـا
ولاطبهـا التاجـر ولا دار الأنظـار.....حتـى المدلـل ياعـرب ماسملهـا.
و ولفن عليها صخـره وال الأقـدار.....صـوت المـوده لاندبهـا هبلـهـا.
وجت كلها لو بينهـا وبينـه أديـار.....من الحويـر ليـن تاصـل فحلهـا.
يمشي لهن ذربا" على عـز ووقـار.....تاجـا" لراسـي والمراجـل فعلهـا.
أيشـد مـن دارا" وينـزل لهـا دار.....أيسوق رجلـه فـي هواهـا ودللها.
جرد الرقاب الراهيه فتـل الأوبـار.....فهـق السنـام وكايفـه بمهدلـهـا.
فج العضود اللـي تقـل بـاب زوار.....أصخاف وعراض و قليـل" مثلهـا.
اليا أقبلت نوا" علـى البيـد مـدرار.....واليـاد بـرت مدينـة" فــي فللها.
ماصبر عن العفرى ولا اني بصبـار.....ولا طاوع العـذال واللـي عذلهـا.
تلقى العراقي شارقه عـز وإشعـار.....وسمـا" لنـا برقابهـا ماخذلـهـا.
برقابها من يميـن يـاواف الأشبـار.....وسـم المزينـي محتميهـا لأهلهـا.
وسما" على العليا ينومس ولـه كـار.....وترى البطوله زاهيـه مـع بطلهـا.
وإدخل على الوالي هو النافع الضار.....ماذم خلـق الله ولا أنقـص أكيلهـا.
يافون لـو بالوقـت ميلـه وجبـار.....والطيبه تاجا" لمـن هـو حصلهـا.
وصلاة ربي عـد ماطايـرا" طـار.....وعـداد مايصـرف ريـال وهللها.
على النبي الهاشمـي سيـد الأبـرار.....دل الخلايـق بالهـدى عـن زللها.